- إيه رأيكم يا جماعة ناخد صورة لينا كلنا؟!!
- ولسه مش كملت الكلمة .. لقيت الكل قــــام من مكانه!!
- على فين يا جماعة؟!
- الصورة يا مادز..
- بس .. بس .. بـــــــــــــــــس....
- مين ... أنا؟؟
- ممكن تاخدلنا صورة؟!!
- أوى أوى .. اتفضلوا..
- يا زمررردة .. ظبطى الكادر..
- ياللا ياللا .. فين .... فـــــــيـــــــــن ... ؟؟؟
- ورايا ورايا .. إلحقى..
- تك!
- هييييييييييييييه
ودى كانت قصة الصورة اللى كان فيها عشرين شخص منهم 18 مدون وبقوا 19 مدون بعد ما أخدنا الصورة!
ولأن كل المقالات اللى كتبتها عن لقاءات المدونين كانت مقالات تأريخية أو على رأى كريم الشيخ مقالات صحفية أو زى ما بتقول حلا طه "تقرير"
عشان كده فكرت أكتب المرادى من زاوية مختلفه شوية ، فكرت أكتب عن الناس الموجودة فى الكادر وعلاقتهم بقلب مادز .. وكمان عن الكاريكاتير التخيلى المصاحب لكل شخصية واللى مش عندى وقت فاضى أرسمه ..
إليكم قلبى :
* الصف اللى واقف على طراطيف رجله عشان تظهر صورت فى الكادر:
|
المًدوّن |
مشروع إحساس مادزاوى ونجح |
مشروع كايركاتير مادزاوى وفشل |
|
شخصية ظريفة جدا .. مكنتش أعرف إنه من المنصورة غير فى اللقاء.. شد حيلك بقى يا مان فى الدراسة عشان نفرح بيك، وأنا فى إنتظار ديوانك "إعتذارات" يا جميل. |
سأرسمك وأنت ماشى فى الشارع وكل اللى تقابله اقوله: أنا آسف .. أنا آسف هههه | |
|
الصامت الذى يخفى بداخله كمية كبيرة من الفكر،/ كمية لو كانت بداخل مادز لوجدته قنبلة تنفجر صباح يوم غير مشرق! .. لا تنسى وعدك لى على التليفون! |
سأرسم "صمت" .. فهل تعرفون الصمت؟! .. إنه الطيب محمد حسن! | |
|
ما كل هذا التقارب الفكرى؟ والصداقة المؤجلة؟ .. حتما سنناقش الفكرة التى أخبرتنى بها ، والأفكار التى حتى لم تخبرنى بها .. سنحقق شئ يا .... صديقى بلا مجازاً. |
سأرسم جمال عبد الناصر .. رغم إن صوته مش رقيق زيك كده يا هيروووو هههه | |
|
مش عارف ليه حاسس إنك اللقاء ده كنت أحلى؟!!
متسألينش مقياسك إيه للحلاوة .. عشان هقولك هنروح المولد!! |
سأرسم "إحساس" .. أو سأترك اللوحة فارغة لأنى لا أجيد رسم الإحساس! | |
|
وحيد إنت إنسان أكثر من رائع، لأنك أثبت للجميع إنك شخصية مرنة يهمها تنجح الفكرة فى المقام الأول!
إن شاء الله نشوف مشروعك أنجح مشروع فى جيران وعلى فكرة .. موضوع الجيرانى التعبان ده موضوع فى الصميم .. أبدعت .. ربنا يوفقك! |
سأرسم وحيد وهو منفض لكل الواقفين فى شبرا وجرى على النعمانى وقاااال : إمسك حرااامى..
هههه لدرجة إنى قلت للنعمانى إنى خايف أقول لوحيد على إقتراحاتى! | |
|
كلام محسوب بدقة .. واحد + واحد = نظرة عميقة
ربنا يعينك يا بطل على مدونون مصريون وحملة الصرخة. |
سأرسم محمد المهدى وفى إيده مرآه مكبره .. وأرسم الحقيقة جنب منه وهو بيدور عيها بعيد! | |
|
النعمانى .. يا مرحبا يا مرحبا .. نوركم غطى ع الكهربا
أحلى جملة سمعتها منك لما فهمتنى تعليقك بإنى سحبت البساط من تحت رجلك وإنت فرحااان عشان بتعتبرنى إبنك! |
سأرسم رجلا مصريا "أصيلا" يقف على سجادة من سجاجيد أوسكار .. ومادز العفريت بيشد السجاده .. هوووووب
بس النعمانى موقعش هههه | |
|
إيه يا بنى كل ده .. بجد انا مكنتش اعرف إنك "إنسان" للدرجادى .. وزى ما قلتلك أنا أقل منى إنى أقبل إعتذارك لأنه مش إعتذار عادى .. بس ركز معيا المرة الجاية يا دكتور عشان مش كل مرة هنضيع لنا مادة ولا مادتين .. |
سأرسم دتور بالبالطو الأبيض فى غرفة العمليات وأمامه يرقد المريض .. يمد أبو شوشة يده فى بطن المريض ويخرج شوية حاجات ويرميها بعيدا وهو بيقول : مش مهم هههه |
ننتقل إلى الصف اللى واقف وقفه تمام .. لا على طراطيف صوابعه ولا على ركبته:
|
المًدّون |
مشروع إحساس مادزاوى ونجح |
مشروع كاريكاتير مادزاوى وفشل |
|
بصراحة مكنتش متوقع أبدا إن شكلك يبقى كبير كده .. عوزك بقى يا بطل تزود من الوقت اللى بقرأ فيه عشان تكتسب مهارات لغوية أكبر .. ولو مش عجباك المكتبه بتعاتكم أنا تحت امرك .. تعالى عندنا فى هندسة وأنا هظبتك فى الكتب .. هخليك تحرم قراءة .. ههههه |
سأرسم رضا وهو يقرأ فى باب "الجاموس المحيط" الذى يكتبه بلال فضل فى جريدة الدستور المصرية | |
|
فاكرة بقى أول لقاء بينك وبينى، محدش يعرف الموضوع ده بس ياللا أدينى قلت أهو .. يا جماعة أنا قابلت نبيلة غنيم فى شبين الكووووم قبل كدااااااااا ...محدش خد باله خلاص .. بسأنا فاكر إن كان كل همك تغيرى حاجات كتيره فيا .. أتمنى إنك تكونى شايفانى أحسن دلوقتى.. |
سأرسم قلب وله رجلان ويدان .. يتمشى فى شارع المدونين المتفرع من ميدان جيران هههه | |
|
فاكرة أول مره كلمتك فيها ع التليفون؟؟!! وجعتلك دماغك ههههه
ولاّ فاكرة أصوات الفراخ؟!! كاك كاك كااااااااااك
كوكو كوكوووووووووو
أنا مُتيم بقصيدتك اللى بعنوان "المدن" .. بموووت فيها وفيكى :) |
سأرسم صوتها وهى بتكلمك فى التليفون .. عادى .. وبعدين عادى .. وبعدين تلاقيها بتام منك .. بشووويش عشان منصحيهاااش هههه | |
|
ولأن إيمان حسان قالتلى بقلب جامد "ذيع" فأنا هذيع .. يا جماعة إيمان حسان بتشرب لبن نيدو بتاع الأطفال .. إيه الطعامة دى .. عسولة .. إنجغغغغغ هههههه |
سأرسم إيمى وفى إيديها ببرونة فيها لبن نيدو وبتقووول وااااء وااااء ...إيوااااااء ههههه | |
|
نظرية الأبعاد الثلاثة لبوته صديقى عاملة معاكى شغل جامد .. ياللا بقى إجدعنى فى الشهرين اللى فاضلين دوول عشان تنفذى الفكرة الجديدة .. متنسيش تحافظى على مستوى مقالك فى مدونون مصريون .. بجد كان راااااااااااائع |
سأرسم علياء وهيا وسط شلة أصحابها وفى عز الإنسجام تقول لهم:
سلامووووووز باللبن!
هههههه | |
|
زمردة |
يقولون أن عصر الآيات إنتهى .. فما بالى أرانى أمام آيه من الأخلاق والأدب والنقاء؟!
هكون سعيد جدااااااااا لما أشوفك أشهر مصممة إعلانات فى العالم .. أهم حاجة هى "الفكرة" لازم تكون مستودع للأفكار الجديدة .. لو إحتاجتى فكرة أنا تحت أمرك، (مادز مشروع علامة تجارية وفشل) ههههههه |
سأرسم زمردة وهى فى الكلية شغالة رسم وتصميم طووووول النهار وعلى الفوتوشوب فى البيت طووول الليل .. أنا كان ايه بس اللى دخلنى الكلية البلاك دى .. رحماك يا رب
ههههه |
|
ألف ألف ألف مبرررروك على المدونة الجديدة ، سيبك بقى خالص من عم النعمانى وإبدأى إنشرى افكارك وخليكى جريئة.. كلنا إحترمنا وجهة نظرك وإنتى بتتكلمى عن "النظام" (ببوظ بنتك يا عم النعمانى) |
سأرسم خطوة .. خطوتان .. ونور مشع من مصدر أثرى .. ونعمانى لا يموت !!
وخيالل يبشر بأن : (التقيل جاى ورااا)
هههههه | |
|
حسن إسلام |
قدمه لنا كريم على أنه أصغر مدون فى العالم .. بجد بجد إنت ولد عسسسسسل ، وبكرة لما تكبر هشتوف الناس المدونين اللى دماغهم تعبانة دول كاتبن عنك ايه هتفرح .. وهتقول عليهم مساكين هههه |
سأرسم جيل جديد وعلى خلفية اللوحة سأكتب بطلان نظرية: "اللى أكبر منك بيوم .. يعرف عنك بسنة"!
|
* ننتقل إلى الرباعية اللى ركبتها وجعتها من الوقفة:
|
المًدوّن |
مشروع إحساس مادزاوى ونجح |
مشروع كايركاتير مادزاوى وفشل |
|
أكثر ما يعجبنى فيك هى نظرتك الإجتماعية للأمور .. وهذا الحرص الدائم على مناقشة المشاكل الإجتماعية فى الوطن! أنت إنسان رائع جدا .. كما قال الفاجومى ذات مرة: "مواطن شايل فى قلبه وطن" |
سأرسم ولد ذو بشره سمراء لا يشيبها سوى هذا القلب "الأبض" الذى تحمله بين جوارحك! | |
|
"وطنى" بكل ما تحمله الكلمه من معانِِ، تعجبنى كلماتك عن الوطن والدين ، وخوفك الدائم على مقدساتنا .. إنت إنسان محترم يا محمد .. حافظ على مبادئك دايما وإفتكر إن المبادئ لا تتجزأ |
سأرسم مناضل .. طفل فلسطينى يدافع عن وطنه بحجارة منزله المهدوم! | |
|
باحث عن الفساد فى كل مكان، فى المدارس والجامعات وفى شوارع القاهرة، مناضل من نوع خاص يحمل مئات الأمانى لوطن "محترم" ، أتمنى لو يحقق الله أمانيه فى حياته وأن يحفظه من قهر الظالمين. |
سأرسم كريم وبيديه منظار وواقف على جبل بيدور على الفساد .. وأرسم الجبل مشروخ من تغلغل الفساد!! | |
|
"كن جميلا" ... لما ترفع شعار .. خليك قده! |
سأرسم فكره! |
هؤلاء الأشخاص تركوا بصمة فى قلب مادز:
منى أسعد: أمـــى!
إشتياق: النعمانى وجينا لاحظوا الشظايا الفكرية التى أصابت عقل مادز عندما سمعت كلماتك الغريبة، قد يأتى يوما ننسى فيه الكلمات، لكن الإحساس .. فأنا لا أظن! أنت إنسانة عظيمة يا رمز فلسطين!
رسالة شكر لحلا طهمسؤلة المدونات فى جيرانعلى وفاءها بوعدها لى ونشرها لمقال بعنوان لقاءات جيرانية مصرية مميزةلخصت فيه مسيرة اللقاءات التدوينية المصرية فى مدونة الحبيبة جيران!
"بالنسبة لاجتماع المدونين المصريين فلولا إنا كتير مشغولين هون في جيران وما في مجال حد فينا ياخد إجازة والا كان إجى حد من جيران حضر الاجتماع وتعرف عليكم وسمع آراءكم وأخد تقرير منكم.
ان شاءالله مره تانيه :)
اجتماعكم اجتماع جيراني بس والا فيه مدونين من بره جيران؟
فرصة اني أعلن عن الاجتماع في مدونتي كمان ان شاء الله عشان ننشر الفكره أكتر. شكرا كتير مادز :) "
ان شاءالله مره تانيه :)
اجتماعكم اجتماع جيراني بس والا فيه مدونين من بره جيران؟
فرصة اني أعلن عن الاجتماع في مدونتي كمان ان شاء الله عشان ننشر الفكره أكتر. شكرا كتير مادز :) "
وكتبت:
"مادز ، ان شاء الله حنحاول قدر الامكان انه يكون حد من جيران موجود في اجتماع المدونين القادم في مصر لكن لازم يكون طبعا العدد جيد."
أشكرك يا حلاعلى إهتمامك الدائم بنشاطات المدونين فى كل مكان وعلى وفاءك بالوعد، وإن شاء الله عددنا فى تزايد ملحوظ كل مرة، وننتظر مندوب جيرانليشاركنا لقاءنا الخامس يوم 6/7/2007 إن شاء الله.
دعوة لحضور اللقاء الخامس - يوليو 2007:
ندعوكم من الآن لحضور لقاء المدونين الخامس أول يوم جمعة فى شهر يوليو وإنتظروا بقية التفاصيل قبيل اللقاء فى مدونة جينا - همسات قلبية!
وعد مادزاوى:
أعدكم بأن يكون اللقاء القادم مشرفاً، وأن ينجح نجاحاً لا تقل نسبته عن 95%، أنا أقوم الآن بإعداد ورقة عمل أكثرشمولا وتنظيم أكثر ديناميكية. وأؤكد أن نجاح اللقاء هو نتيجة منطقية لنجاح المدونين أنفسهم...
ألقاكم على خير..
05 ابريل, 2007 01:15 ص